Dili-24/02/2025-Média Defisiénsia,
Asosiasaun Defisiensia Timor-Leste realiza formasaun Edukadaun Baseia ba
Abilidade Moris ba ema hotu ho inkluzivu hodi eleva sira nia koñesimentu iha
formasaun refere akumula ema 100 ho inkluzivu.

Tuir
Diretor ADTL Cesario da Silva hatete, atividade formasaun ne’e atu eleva koñesimentu
no abilidade ema ida-idak nian, tanba ema balun sei menus hela ba informasaun
hodi asesu ba edukasaun no hola parte iha oportunidade sira.

“Formasaun
ida ne’e ohin Itá realiza formasaun edukasaun baseia ba abilidade moris ba adolesente
no jovén ho defisiénsia sira, maibé ita lakohi inklui jovén defisiénsia de’it hakarak
envolve jovén estudante sira ne’ebé la ho defisiénsia atu hola parte iha ne’e.
Tanbá agente formasaun  atu eleva koñesimentu
no abilidade ema nian. Parte primeiru jovén ho defisiénsia adolesente nomós jovén
sira seluk ne’ebé menus informasaun tanbá ne’e ADTL nia programa mai ita atu fó
formasaun ba jovén sira hotu ho inkluzivu”, Dehan Diretor ADTL iha salaun Madre
Alma Bebonuk 24/02.

Iha
fatin hanesan Representante UNICEF, José Manuel do Carmo esplika, UNICEF fó
apresiasaun ba ema ho defisiensia sira no joven hotu iha Timor-Leste , tanba ne’e
sira nafatin apoiu EhD iha prosesu hotu, hodi fó oportunidade ba ema hotu atu
bele asesu ba edukasaun no formasaun hotu iha rai-laran hodi haklean sira nia
abilidade.

“Apoiu
husi UNICEF nian mak hakarak asegura ema hotu-hotu hetan oportunidade hanesan, labele
husik ema ida iha kotuk hanesan ita hatene katak ita nia emblema eziste ne’e
labele dezamina. Ema hotu tenke hetan oportunidade bele tuir treinamentu modelu
hanesan ne’e sira mós bele rekoinese sira nia aan no iha abilidade rásik dala ruma
defisiénsia barak halo deskriminasaun ho oportunidade ne’ebé mak lá hanesan,
dala ruma inan-aman balun la fó  oportunidade ba nia maluk defisiénsia sira tanbá  sira nia kondisaun”, Tenik Rep. UNICEF José Manuel.

Entretantu,
formasaun ne’e apoiu no servisu hamutuk ho UNICEF hala’o formasaun ba jovén ho
adolesente sira liuliu atu koalia kona-ba abilidade moris nian, lisaun basiku tebes
ba jovén no adolesente sira. Tanba projetu ne’e hamutuk ho UNICEF halo formasaun
 dahuluk iha Covalima, Bobonaro no ohin
iha Dili, munisipiu rua remata ona iha semana kotuk, ita nia tarjetu ba jovén
no adolesente sira hamutuk 100  hodi tuir
formasaun durante loron  haat no iha
kontinuasaun ba munisipiu seluk tanba jovén no adolesente barak seidauk hetan
oportunidade sira hanesan ne’e.

Jornalista : Anselmo &
Eufrozinha

Editor       :
Média RKDTL