Dili-07/02/2025-Média
Defisiensia, Sekretariu Estadu Komunikasaun Sosial
(SEKOMS), abertura atividade simulasaun ne’ebé organiza husi Ema ho Defisiensia
Matan, hodi kontinua habela informasaun ba ema hotu relasiona ho letra braille.
Tuir Sekretariu Estadu
Komunikasaun Sosial, Expedito Loro Dias Ximenes, hatete atividade abertura ba
simulasaun letra braille, atu partilla pensamentu sira nune’e labele husik ema
ida iha kotuk, EhD mós bele hola parte iha prosesu dezemvolvimentu.
“Konvite husi Asosiasaun
Defisiénsia Matan atu bele mai fó hanoin balu kona-ba simulasaun ne’ebé kolega
defisiénsia sira halo liu-liu kona-ba informasaun ho teknolojia komunikasaun, eventu
ne’e importante tebes tanba ita ko’alia dezemvolvimentu inkluzivu katak labele
husik ema ida iha kotuk, maka kolega sira ne’ebé iha defisiénsia matan, tilun
no defisiénsia oioin, sira mós iha oportunidade atu bele hola parte iha prosesu
dezemvolvimentu. EhDM hatudu katak sira hola parte iha dezemvolvimentu, simulasaun
ne’e kona-ba letra braille tantu ita hotu hatene katak letra braille ne’e ba
kolega defisiénsia matan sira hatene liuhusi lee, hakerek no koalia ho letra
braille. Governu nia prezensa atu hato’o apoiu tomak ba iha Asosiasaun
Defisiénsia Matan sira no sei suporta sira nafatin”, Dehan Sekretariu Expedito Dias, iha salaun São Paulu II Comoro, Dili 07/02.
Hatutan Sekretariu
Estadu Komunikasaun Sosial, iha atividade ne’e representa mós hanesan
Sekretariu Estadu Igualdade hato’o
kona-ba oinsa Politika SEI nian, ba maluk sira husi Asosiasaun
Defisiésia Matan. SEI nia parte sempre fó atensaun ba iha defisiénsia Matan
liu-liu ba alin feton sira, no fó apoiu nafatin ba EhD atu bele parte iha formasaun
oioin.
“Ita hotu akompaña IX
Governu Konstituisional halo nafatin informasun sira ne’ebé sai iha meius
komunikasaun sosial, televisaun sira tuirmai nasional nomós privadu sira uza
lian jestual, maluk sira ho Defisiénsia Tilun bele mós akompaña, informasaun
ne’ebé fó sai iha meius komunikasaun sosial sira kona-ba Governu nia, no Simulasaun
ohin kona-ba letra braille ne’e importante no di’ak tebes ba Ema ho Defisiensia
Matan”, Salienta SEKOMS.
Iha fatin hanesan Diretor
Ezekutivu AHADMTL Gabriel Ponciano de Sousa, dehan objetivu husi simulasaun ne’e
atu partilla ba públiku hotu bele hatene letra braille no hola parte iha
atividade EhD nian.
“Objetivu ba simulasaun
letra braille ne’e ba públiku no parte hotu-hotu atu entende letra braille
ninia objetivu sira atu bele transforma ema ho dfisiénsia barak, hodi bele
asessu ba Edukasaun. Ita koalia kona-ba garante ema ho defisiénsia
partisipasaun no Edukasaun masimu fase fundamental primeiru maka letra braille ba
ema ho defisiénsia. Bainhira ho defisiénsia matan atu bele asessu ba teknolojia
dijitalizasaun, ita hatene uluk letra braille tanba letra braille ne’e mós
hanesan fonte transformasaun, ba ema ho defisiénsia matan”, Deklara Diretor
AHDMTL Gabriel.
Diretor AHDMTL Afirma
tan, garante sidadaun hotu-hotu liu-liu sidadaun defisiésia sira tenki
partisipa iha Edukasaun, ho kualidade EhD atu partisipa iha Edukasaun tenki
hatene letra braille, ba iha instituisaun públiku sira mós garante ema ho
defisiénsia nia partisipasaun iha kampu traballu, no partisipa iha dijitalitasaun
tenki uza aplikasi ne’ebé mak bele fasilita ema ho defisiénsia matan sira ho
di’ak.
Representante
Embaixadór Australia Felicity dehan, apresia no fó parabens ba Ema ho
Defisiensia Matan iha Timor-Leste, ho eventu ne’e governu Australia iha komprimisiu
nafatin apoiu governu TL, liuhusi atividade no programa sira ho inkluzivu.
“Solok tebes mai hau
iha parte eventu ida ohin bele diskursu hamutuk
ho Edukasaun no Organizasaun Ema ho Defisiensia Matan parabens ba ita boot
sira, iha ne’e ha’u hakarak hatete Australia nia komprimisiu boot atu suporta Governu
Timor-Leste, hodi dezemvolve husi ema ida ba ema seluk. Ha’u hakarak relenta no
partilia katak dadaun ne’e Governu Australia lansa ona ezekuzia dezenvolvimentu ba lei dekretu ba efektividade
ba ema hotu no ema defisiensia hanesan estratejia, no sai matadalan ba
dezenvolvimentu internasional ba direitu ema ho defisiensia hatudu vijaun,
prinsipiu no propriedade”, Tenik Rep. Embaixadoór Australia Felicity.
Jornalista
: Geraldino & Elo (Estajiadu)
Editor :
Média RKDTL
