Dili-03/02/2025-Midia
Defisiensia, Autoridade
Protesaun Sivil iha loron 27 fulan Janeiro too 03 fulan Fevreiro tinan ne’e,
durante semana ida rejistu familia uma-ka’in hamutuk hitu hetan estragus husi
dezastre, ne’ebé akontese iha Munisipiu Neen.

Tuir Xefe Seksaun ba Relasaun
Externa APC, Nelso
Orleans Nunes hatete, durante
akontesementu dezastre iha munisipiu Neen, APC registu uma latama kriteria,
apoiu deit emerjensia uma rua, no numeru uma ne’ebé priense kriteria ka afetadu
hamutuk Lima, nune’e APC munisipiu apoiu kedas emerjensia ba vitima sira ne’ebé
hetan dezastre.

“Durante semana ida nia laran iha munisipiu 6
Autoridade Protesaun Sivil, rejistu xefi familia uma-ka’in hamutuk 7 hetan
estragus husi dezastre naturais ne’ebe akontese ba ema afetadu 32 no Ema evakua
15”, Dehan Xefe Seksaun ba Relasaun Externa APC, iha Salaun Konferensia APC Kaikoli, 03/02.

Xefe Seksaun ba Relasaun
Externa APC hatutan,
iha munisipiu 6 mak APC registu uma 7 
hetan estragus husi, anin boot sobu uma 7 hetan estragus husi dezastre
ne’ebé akontese durante semana ida nia laran.

“Munisipiu Hitu ne’ebé hetan estragus hanesan Munisipiu
Municipiu Bobonaro, Postu Maliana, Suku Ritabou, Aldeia Rituidu, iha loron 31
fulan Janeiru tinan 2025, akontese anin sobu komunidade nia uma 1 apoiu de’it emerjensia.
Municipiu Covalima, Postu Suai Villa, Suku Suai Loro, Aldeia Akar laran, iha
loron 28 fulan Janeiru tinan 2025, akontese anin sobu komunidade nia uma 1 no
kategoria aat total no evakua ba vizinho nia uma. Municipiu Ermera, Postu
Hatulia A, Suku Asulau Sare, Aldeia Hohopu, iha loron 10/01/2025 akontese anin
sobu komunidade nia uma 1 no tama kategoria aat total nomos familia afetadu
evakua ba vijinho nia uma, no Suku Asulau Sare, Aldeia Norema, iha loron 25
fulan Janeiru tinan 2025 akontese anin sobu komunidade nia uma 1 maibe la tama
kategoria, hetan deit apoiu emerjensia husi Autoridade Munisipal. Municipiu
Liquiça, Postu Loes, Suku Guiço, Aldeia Mau-uno, iha loron 30 fulan Janeiru tinan
2025, akontese anin sobu komunidade nia uma 1. Municipiu Manufahi, Postu Same
Villa, Suku Holarua, Aldeia Trilolo, iha loron 27 fulan Janeiru tinan 2025, akontese
anin sobu komunidade nia uma 1 no kategoria aat kaman no evakua ba vizinho nia
uma no Municipiu Viqueque, Postu Viqueque Villa, Suku Caraubalo, Aldeia
Mane-hat, iha loron 31 fulan Janeiru tinan 2025 akontese uma ida monu hanehan
komunidade ida liman naksalak no uma refere tama kategoria aat total nomos
familia afetadu evakua ba nia alin sira nia uma “, Tenik Xefe Seksaun
ba Relasaun Externa APC.

Entretantu, vitima ba dezastre naturais sira oras ne’e
hetan ona apoiu emerjensia husi komandu APC ho parseriu relevante sira, iha
munisipiu ida-idak apoiu ai-han no laos aihan. Komandu operasional Autoridade
Protesaun Sivil  iha munisipiu sira sei,
kontinua halo levantamentu dadus ba uma-ka’in ne’ebé hetan estragus makas, no
uma kain ne’ebé hetan estragus naton, bele hetan apoiu iha faze tuir mai. 

Jornalista :
Geraldino & Nelson (Estajiadu)

Editor       : Média RKDTL