Oecuse –
16/09/2024-Média Defisiensia, Asessór Prezidente Asuntu Inkluzaun Gaspar Afonso hala’o
vizita ba iha Suku Bene-Ufe Sub-Rejiaun Nitibe Rejiaun Oe-cuse hodi hala’o
Diálogu ho Autoridade lokál sira no inan aman sira liu-liu ema ho Defisiensia
hodi diskute no rona direta kona ba problema sira ne’ebé ema ho Defisiensia
sira hasoru.
iha ba
intervista ba Média Defisiensia Asessór Prezidente Asuntu Inkluzaun
Gaspar Afonso hatete, objetivu prinsipál husi vizita ne’e atu rona direita
problema sira ne’ebé EhD sira hasoru no rekolla mós dadus sira hodi hato’o ba
iha prezidente hodi bele buka solusaun bele rejolve.
“vizita
mai oecuse espesial mai postu Nítibe ho Pásabe, Nitibe ita foti suku 4 Pásabe
suku 1, entaun ohin ita hahú iha Suku Sunu-Uv no Bene-Ufe, ho objetivu
prinsipál mak atu rona direita preokupasaun ema ho Defisiensia sira nian iha
suku atu hatene sira nia moris oinsá, se ita ko’alia fraternidade humana ita
ko’alia paz no dame ita ko’alia toleransia mais ema grupu balu sei moris
halerik hela, sra moris difikuldade iha moris lorloron nian entaun ha’u hanesan
reprezenta ema ho Defisiensia ha’u hakarak mai rona direita sira nia
preokupasaun, parte ida ha’u hakarak peskiza ka rekolla dadus atu nune’e
rekolla informasaun ne’ebé mak kredibel husi ema ho Defisiensia sira atu ba
aprezenta ba nai prezidente,” Tenik nia iha sede Suku Bene-Ufe 16/09/2024
.Fatin hanesan
Responsavel Asisiasaun Leno Atoni Oecuse Fermindo Joni Gutoman informa, relasiona ho problema sira ne’ebé
EhD sira hasoru iha Suku Bene-Ufe liu husi Vizita ida ne’e atu servisu hamutuk
atu bele hatene dadus kona ba EhD nian.
Leno Oecuse ne’ebé mak servisu hamutuk ho Asessór Prinsipál Prezidente
Repúblika ba Asuntu Inkluzaun Ema ho Defisiensia nian hamutuk ho Juventude Tane
Enklave Oecuse atu bele asegura informasaun, ohin Asessór mai halo diálogu iha
fulan 2 liu ba Asessór halo ona diálogu nasionál hamutuk ho suku 5 iha no ohin
ami hala’o iha suku Sunu-Uv, agora dadaun iha suku Bene-Ufe, aban sei kontinua
iha suku Lela-Ufe no suku Banafe,
bainrua sei kontinua iha suku Pásabe, ho nune’e ita bele hatene katak dadus
Defisiensia totál hamutuk ema nain hira, depois ita bele hatene mós kona ba
sira nia nesesidade, sira nia abilidade sira nia skil sira nia rekursu ne’ebé
ke ita bele hatene lolos, liu husi dadus hirak ne’e ami sei halo planu atu bele
hatene halo asesimentu ita bele hatene lolos kauzas ne’ebé ita hetan husi dadus
ne’e saida mak sira hakarak halo, saida mak sira kontinua ba servisu, oinsá mak
sira bele hetan rendimentu lor-loron, liu husi ne’e mak ita bele hatene dadus
ne’ebé ke lolos,” dehan nia.
Sei servisu hamutuk ho parte relevante sira atu haruka ekipa tun direita ba
trata sira EhD sira nia dokumentu sira ne’ebé presija atu asesu ba iha
Subssidiu ne’ebé Governu apoiu.
”
Maneira ida ne’e sei halo komunikasaun no liña kordenasau ho Ministeriu
relevante sira hanesan liu husi ESTAE nian husi notariadu nian hodi bele
ko’alia ekipa tun direita iha baze atu bele tenta sira nia dokumentu sira,
tanba sira la bele ba iha trata mesak sira nia dokumentu iha ne’ebá tanba ho
sira nia kondisaun la suporta,” hakotu nia.
dadus ne’ebé Media Defisiensia asesu mak totál Ema ho Defisiensia iha suku Bene-Ufe hamutuk 101
balu hetan osan Apoiu husi Governu no balu seidauk hetan tanba Problema
Dokumentu sira.
Jornalista : Alexandre Salsinha
Editór : Méd8a RKDTL
