Dili-31/05/2024-Média Defisiénsia, Prezidente Republika Demokratika Timor-Leste no Lauriadu
Nobel ba Pás, halao viajen ba Singapura, hodi hato’o diskursu iha Institutu
Internasionál Estratéjiku Anuál ba da-21 (IISS), primeiru sorumutu defeza ba
rejiaun Ázia-Pasífiku.
Tuir Prezidente Republika José
Ramos-Horta hatete, iha komunikadu sei halo diskursu importante iha sorumutu
hamutuk ho presidente Filipina presidente sei hato’o deklarasaun importante ida
kona-ba Hakbiit Jestaun Krize iha kresimentu kompetisaun no apresenta
perspetiva kona-ba poder sira.
“Diskursu importante iha sorumutu
ne’e hamutuk ho Prezidente Filipina, no Prezidente sei hato’o deklarasaun
importante kona-ba “Hakbiit Jestaun Krize iha kresimentu kompetisaun”
iha loron 1 fulan-Juñu. Prezidente sei aprezenta nia perspetiva kona-ba tensaun
entre podér boot sira no oinsá nasaun sira bele ajuda hakalma tensaun liuhusi
mekanizmu jestaun krize”, Dehan PR liuhosi Komunikadu, 28/05.
Prezidente hatutan dialogu
shangri-la organiza husi ISS, hodi sai forum preminente ba diskusaun asuntu
seguransa iha rejiaun Ázia-Pasifiku, no tinan ne’e dialogu haree liu ba
Indo-Pasífiku.
“Diálogu Shangri-La, ne’ebé organiza
husi Institutu Internasionál Estudu Estratéjiku (ISS), sai ona forum preminente
ba diskusaun kona-ba asuntu sira seguransa nian iha rejiaun Ázia-Pasífiku, no diálogu
iha tinan ida-ne’e realiza iha kontextu intensifika kompetisaun estratéjika no
foka liu ba Indo-Pasífiku”, Tenik PR.
Entretantu, partisipa iha Simeira
tinan ida-ne’e inklui ministru defeza sira, asessór seguransa nasionál, xefe
militár sira no ofisiál seniór sira sei hamutuk ho nasaun 40 resin.
Jornalista : Anselmo Martins
Editor : RKDTL
