Dili-02/08/2023-Media Defisiensia, sekretariu estadu
sefope fo sai informasaun  husi  adidu Corea do Sul iha Timor-Leste nian
relasiona ho joven Timor oan nain 3 ne’ebé hetan dezastre iha Corea do sul nain
2 lakon vida no nain ida hala’o hela tratamentu iha hospital.

Tuir
Sekretariu Estadu SEFOPE Rozeiro Araujo Mendonca hatutan, SEFOPE simu adidu
husi korea do Sul katak joven Timor oan nain 2 mate no ida tama hospital tamba
konsumu alkohol no halai motor ho velosidade ne’ebé makas.

Sekretariu Estadu SEFOPE Rozeiro Araujo Mendonca 

“husi
SEFOPE ohin dader simu ona relatoriu husi adidu Corea do Sul, iha ne’ebá
informasaun mak ne’e públiku balu hatene ona ita nia sidadaun nain 3 ne’e hemu
lanu uza motor, nain ida uza motor mesak nain 2 hamutuk, entaun sira halai lori
motor ita bot sira hatene ona dehan jalan tol katak iha fatin sira hanesan ne’e
ema hotu halai ho velosidade ne’ebé makas entaun iha ne’ebá ita nia
traballadores ne’e soke iha bidon ne’ebé ema tau iha ne’ebá, nain rua ida tuir
mai ne’e soke tan, entaun taxi ida husi kotuk ne’e sama nain 2 ida ne’ebé mak
ikus ne’e mate no ida uluk ne’e mak baixa iha Hospital,” hatutan Sekretariu
Estadu SEFOPE Rozeiro Araujo Mendonca.

Enkuantu
tuir informasaun ne’ebé SEFOPE hetan sidadaun 3 ne’e illegal, no tuir nia prosesu
ba mate isin SEFOPE sei nafatin kontaktu ho Embaixador atu nune’e buka dala no
governu hodi hato’o ba iha Primeiru Ministru atu bele foti Desizaun.

No
mate isin ba oras ne’e sei halo hela otopsia iha ospital.

Jornalista: Pascoal Nascimento de
Jesus Alexandre Salsinha

Editor: Alexandre
Salsinha