Dili- 05/05/2026-Media Defisiensia, Konsellu Imprensa no Asosiasaun Jornalista hamutuk ho komunidade Media sira sei kontra bainhira Sekretariu estadu Komunikasaun Sosial (SEKomS) hamosu lei ba ofisial media sira hetan karteira profisional.

Prezidente Interina Konsellu Imprensa Suzana Cardoso hateten kona ba lei ne’ebe SEKomS aprezenta iha semana kotuk ne’e seidauk remata diskusaun tanba okupadu hela halo’ot maktoban Otelio Ote, tanba ne’e konfirma ho jurídiku atu bele hare’e detaillu lei ne’e.

“Diskusaun iha seman kotuk ne’e ami seidauk hetan testu kompletu ,ami halo diskusaun la to’o remata tanba preokupa ba halo’ot maktoban Otelio Ote maibe karik hare’e, KI sei husu ba parte juridiku kona ba lei komunikasaun sosial ne’e hare’e detaillamente, kuandu realiza duni katak ofisial media sira mos sai hanesan jornalista ne’e ita hotu-hotu kontra, ne’e labele, ita hotu tenki hatene se mak jornalista, jornalista ne’e mak ema ne’ebe lor-loron halo kobertura, rekoilla informasaun, edit notisia, hasai foto halo fimaljen, nia halo publiksaun ba publiku, media officer ne’e serimonia deit mak nia ba, laos lor-loron nia ba lae?, kategoria ba jornalista ne’e lor-loron tenki halao kna’ar ida jornalista ne’e, editing notisia hafoin fo sai ba publiku liu husi orgaun komunikasaun sosial ne’ebe ita sei tau atensaun ba ida ne’e , sira tenki komprende lai se mak jornalista?, entaun ida ne’e mak ita bele fo karteira profisional, KI mos Sei la simu no kontra ida ne’e, maibe ami sei hare’e lai lei ne’ebe husi SEKomS aprezenta ami seidauk hetan nia eskrita, sei hamutuk ho ita bo’ot sira” dehan Interina KI hafoin remata kari Aifunan Iha palasiu Oin Segunda ne’e, 04/05.

Prezidente Asosiasaun Jornalista Timor-leste Zevonia Vieira Enkoraja Jornalista sira atu nafatin servisu hamutuk promove demokrasia no lia-los ba publiku, hodi influensia politika nain sira ne’ebe tenta atu hamate liberdade imprensa.

 “Espera katak ho ita-nia solidaridade, servisu hamutuk atu kontinua influénsia iha públiku no ba ema sira ne’ebe mak iha poder atu respeita pilar media iha Timor-Leste tanba media nia papel servisu iha Timor-Leste agora ne’e iha kontribuisaun bo’ot iha luta hasoru violasaun direitus humanus, iha luta ba iha públiku nia interese iha Timor-Leste, ida ne’e mak AJTL hanoin katak ohin loron ita mos fo onra ba ita-nian ne’e ba maluk jornalista sira liu-liu uza sira nia poder atu hamate liberdade imprenza, ida ne’e AJTL sei kontra makas, espera katak mantein nafatin asegura ita nia liberdade” dehan Ptezidente AJTL.

Prezidenti AJTL nia parte haktuir presija verifika informasaun detaillu tamba deskonfia katak sei hamosu lei balun ne’ebe tenta fo dalan ba ofisial media sira mos hetan karteira professional hanesan jornalista ne’e labele tamba media ofiser laos jornalista ne’ebe kada loron kobre iha terenu, maibe hare deit asuntu ne’ebe iha instituisaun ida ne’ebe nia horik ba.

 “Ami mos rona informasaun katak iha artigu balun ne’ebe mak tenta atu hamosu ne’e informasaun deit, maibe ita presiza verifika informasaun ne’ebe mak hamosu katak media officer sira ne’ebe mak servisu iha instituisaun publiku iha mos direitu atu hetan karteira profisional husi konsellu imprenza, ne’e lalos tamba sira halo ona servisu ba instituisaun governu sira iha politika rasik, sira la halo atividade jornalismu nia lorloron hodi fo sai asuntu publiku nian ne’eba entaun sira bele uza karteira profisional ba interese grupu nian ka instituisaun ida nian, ida ne’e lalos e AJTL hau fiar katak asosiasaun sira seluk mos la aseita,ida ne’e ita hamutuk hodi atu labele halo liu artigu ne’e ba iha sekertaria estadu komunikasaun social winhira aprova parlamentu karik tetu didiak” dehan Pr AJTL.

Enkuantu Prezidenti AJTl mos afirma ba publiku Toma atensaun no respeita tamba media no jornalista sira Pilar importante habelar informasaun ba sosiedade hodi kontribui ba demokrasia no lia-los.

Jornalista : AC/ Ikulay

Editor : Media Defisiensia