Dili-22/04/2026-Média Defisiénsia, Emaixadora Singapura akomapaiña husi Vise Ministra MNEC Jesuina Maria Ferreira Gomes hato’o karta kredensial Ba Prezidente Republika Jose Ramos Horta iha Palasiu Prezidensial tersa ne’e.

Vise Ministra MNEC Jesuina Maria Ferreira Gomes hateten, Theo Lay Cheng mai Timor-Leste hanesan embaixadora da-uluk ne’ebe nia rejidensia iha Timor-Leste, durante ne’e embaixador barak mak seidauk iha embaixada iha Timor-Leste.

Vise Ministra MNEC ne’e atualiza ba jornalisat hafoin ho Embaixadora foun Singapura Theo Lay Cheng remata entrga karta kredensial ba Prezidente Repúblika.

“Ohin embaixadora Theo Lay Cheng hanesan primeiru Rejidente mai Timor-Leste entrega nia karta kredensial ba Prezidente Repúblika, antes ne’e embaixador sira mai iha timor ne’e non rejidente, ne’ebé embaoxadora ne’e primeira rejidente ne’ebé koloka mai iha Timor”, dehan Vise Ministra MNEC Jesuina Maria Ferreira Gomes iha Palasiu Prezidensial tersa ne’e, 21/04.

Embaixadora ne’e kontente hafoin simu no mensiona koperasaun entre Timor Leste ho Singapura no hanoin foun sira ne’ebé relata husi prezidente atu bele haforsa liu tan koperasaun bilateral.

Vise Ministra ne’e dehan, embaixadora foun Singapura ne’e sei hamutuk ho governu no ministeriu relevante sira oinsa bele kongretiza planu sira ne’ebé sei dezenvolve hamutuk ho governu Timor-Leste leste.

“Area koperasaun hanesan aero nian, formasaun, ekonómiku no sosiukultural” no emabaixadora ne’e mos sei hato’o ba governu Singapura kona ba ideias ne’ebe mak ohin Prezidente temi.

Jornalista: AC

Editor: Média Defisiénsia