Dili-23/04/2026-Media Difisiensia, Institutu Of Business liu husi parseiru ho Brunei Darussalam lansa ona, ohin programa kursu lian Inglês IOB no Cosman ho sertifikadu rekoñesementu internasionál UK ne’ebé loke ba Timoroan ho idade 15 to’o 35.

Programa ne’e implementa husi IOB ho Cosman no hetan rekoñesementu internasionál husi UK/Inglaterra Sertifikadu husi kursu ne’e iha kualifikasaun a’as no la’os de’it rekoñese iha Timor-Leste, maibé mós iha nasaun Commonwealth seluk hanesan Austrália, Malázia no nasaun sira ne’ebé iha ligasaun ho UK.

“ohin ho ita-nia parseiru husi Bruney Darusalam halo lansamentu ba programa lian Inglês ne’ebé mak IOB ho Cosman qualitane Colost kopera iha formasaun lian inglês hetan rekoñesementu internasional husi UK ka Inglaterra ema bolu dehan person sertivicate ne’e duni formasun ida ne’e ninia kualifikasaun ne’e aas, kuandu sira hetan ninia sertifikadu karik, sertifikadu ne’e rekoñesidu la’os de’it iha Timor maibé iha nasaun sira seluk ne’ebé mak liga ho ita dehan Commonwealth sira bele ba Australia, Malasya, nasaun ne’ebé mak iha ligasaun ho nasaun Commonwealth bele hetan rekoñesementu ne’ebé ida ne’e mak ohin ita halo ninia lasansamentu programa”, hatete Reitor IOB Pedro Barreto Ximenes iha Kampus IOB kuarta ne’e, 22/04.

Loke ba idade 15 too 35, kobre husi estudante primária to’o universitária no públiku jerál, ne’e hatudu objetivu atu kaptura jerasaun foin-sa’e produtivu Tmor-Leste nian, la iha barreira akdemika a’as no rekezitu prinsipal mak hatene lee, hakerek no iha vontade, oportunidade ne’e ba ema hotu ne’ebé hakara dezenvolve a’an.

“Kursu ne’e rasik iha ninia nível oi-oin depois iha nível báziku, intermediariu, nível avansadu kada nível ida ninia durasaun ne’e fulan tolu iha komponente oi-oin iha laran ita boot sira hakarak hetan informasaun kle’an liu bele hare’e nia web site, brosura sira, maibé hakarak hateten de’it katak, ida ne’e ita hakarak loke tan oportunidade ba ita nia Timoroan sira liu-liu ba sira ne’ebé mak hakarak hatene lian Inglês kle’an liu tan sertifikadu ne’ebé mak rekoñesidu husi liur bele mai registra, ami servisu hamutuk ho parseiru sira husi Bruney Darusalam, ne’e sé de’it idade komesa husi 15 anus too fali 35 bele mai rejista iha ne’e la iha rekesitus importante hatene lee ho hakerek, iha hakarak, intensaun vontade atu aprende ne’ebé estudante sira iha primaria ka, sekundaria no universitaria bele mai join hotu, kursu iha ne’e”.

Kooperasaun ho Brunei Darussalam planeia ba tinan rua, maibé akordu faze dahuluk ne’e ba tinan ida de’it hahú ho kursu lian Inglês uluk, no sei loke tan ba area seluk iha futuru maibé kapasidade limitadu kada grupu simu de’it 15 too 20 alunus, tanba formadór mai husi rai liur no hakarak mantein grupu ki’ik hodi garante kualidade formasaun.

“Ita nia koperasaun ne’e ita halo ba tinan rua maibé lansamentu ida ne’e ita-nia akordu ne’e ita halo ba tinan ida ho balun depois ita hahu ho lian Inglês, ita sei loke tan ba iha area sira seluk iha tempu oin mai, Ba estunde IOB, ba publiku, ba ema servisu ba ema eskola ba ema sé de’it ne’ebe mak hakarak hetan formasaun kle’an hanesan kursus espesializadu lian Inglês bele mai tuir formasaun iha ne’e, ne’ebé ida ne’e nakloke ba ema hotu Ida ne’e mak ita-nia kapasidade kerdizer ita la presiza simu estudante barak liu, ita-nia kapasidade ba kada grupu ne’e ita simu de’it 15 too 20 alunus tanba ita hakarak mantein nia grupu ne’e ki’ik tanba formadór ne’e mai husi liur entaun ita presiza asegura katak kualidade ne’e iha ne’e 15 mázimu 20”.

Serimónia lansamentu ne’e hetan prezensa direita husi Prezidenti Repúblika, hatudu apoiu aas husi Estadu ba programa edukasaun ho padraun internasinál ne’e.

Jornalista: Kikilay/Yubal
Editor: Media Defisiensia