Dili-01/04/2026- Media Defisiente, Hafoin Rona aprezentasaun husi Johnny Thai ho nia ekipa sira iha Salaun Xina Palasiu Prezidensial tersa ne’e.
Prezidente Republika Ramos Horta admira maturidade Joven Ne’e nian iha Vietname.
Ramos Horta hateten, liu husi link via email ho prezidente ho maturidade ne’ebe matenek hakerek ba jornal sira iha vietname halo nia admira tanba ho idade ne’ebe ki’ik, ho nune’e konsidera hanesan atividade prinsipal hodi konvida mai koiñese Timor atu Bele hakerek situasaun sira.
“Jornalista iha Jornal iha Vietnam ne’ebá matenek tebes hau foin mak koiñese maibe hakerek ba malu liu husi link deit maibe hau responde tanba hau hare’e nia 14 anus deit ho maturidade matenek hau admira nia hakerek ba jornal sira nia haruka buat ne’ebe nia hakerek entaun hau konvida nia mai para nia mai iha ne’e nia hare’e timor nia sei fila sei hakerek ho lian kona ba Timor leste iha Vetnam maibe mos sei koinese joven timor oan sira ne’e mak hanesan atividade prinsipal ida ne’ebe nia mai loron rua ga tolu deit ho nia pai ho tradutora ida nia revista iha jornal nebe iha Vetnam nia hakerek barak iha nia eskola hanesan iha rai seluk mai ona iha ne’e, joven oan ida mai husi India ho naran Sipria hanesan ita nia joven timor oan balu mos hola parte iha parlamentu Foinsae ita hare joven sira halo perguntas estudante balu matenek koalia diak ne’e para sira troka deit hanesan esperensia koinese malu” dehan PR Iha Palasiu Prezidente tersa ne’e 31/03.
Prezidente hateten, Nia ko’alia kona ba papel joventude ne’e hanesan oportunidade diak ba joven timoroan atu bele aprende esperensia sira ne’ebe joven ne’e espresa iha okaziaun Xina palasiu Prezidensial ne’e.
“Nia koalia kona ba papel joventude oportunidade ne’ebe joven timor joven vietnam fahe nia esperensia neneik nia sei fila ba Vetnam sei hakerek barak kona ba media hotu-hotu ne’ebe nia asesu kona ba preokupasaun iha timor kona ba prezidensia no mos eduka ema iha ne’eba ema koiñese ona timor informadu diak, Dehan PR.
Prezidente mos kontinua haktuir, enkontru ne’ebe halao ho joven sira hanesan inisiativa atu bele motiva timor oan, no atu balu barak tan bele ba estuda iha Vietnam, ofrese bolsa estudu timor ba oan hodi aprende vietame nia lian tanba difisil.
“hau hanoin hamutuk atus tolu mak estuda ona iha ne’eba, lingua vietnam ne’e difisil tebes difisil liu ingles difisil liu portugue difisil liu xina mak aprende, timor oan balu aprende ona hatene ona vietnam nia lian tanba hakerek mos oin seluk koalia oin seluk”, PR hatutan.
Prezidente kontinua dehan, “ hau rasik hakfodak oinsa estuda atu hetan valor 8 ne’e difisil, liu joven Timor oan sira hatene ona balu estuda medisina iha Vietnam ho lingua Vietnam ita difisil tebes ne’e di’ak ha’u nia família sira kakutak dezenvolve kakutak liu tan.
Jornalista: Alves Carvalho
Editor: Media Defisiensia
